Ընդդիմադիր «Պատիվ ունեմ» խմբակցության ղեկավար Հայկ Մամիջանյանն այսօր լրագրողների հետ ճեպազրույցում ասել է, որ Երևանի ու Բաքվի միջև բանակցվող փաստաթուղթը իրականում «Քաղաքացիական պայմանագրի» նախընտրական քարոզարշավի մի մասն է։
«Մեղք է այդ փաստաթուղթը խաղաղության պայմանագիր անվանելը»,– ասել է Մամիջանյանը։
ԱԺ–ում ներկայացված քաղաքական ուժերի ներկայացուցիչներն այսօր խորհրդարանական ճեպազրույցների ժամանակ անդրադարձել են Փաշինյան–Ալիև երեկվա շփումներին ու խաղաղության պայմանագրի ստորագրման հնարավորության հարցին։
«Քաղաքացիական պայմանագիր» խմբակցության քարտուղար Արթուր Հովհաննիսյանը վերահաստատել է Ադրբեջանի հետ խաղաղության պայմանագիրը օր առաջ ստորագրելու իշխանության դիրքորոշումը, նույնիսկ դրա` ոչ ամբողջական համաձայնեցման դեպքում։