Ընտրական օրենսգիրքը փոխվել էր ընդամենը 3 տարի առաջ` 2021-ին, բայց իշխող քաղաքական ուժը առաջիկա ընտրություններին ընդառաջ որոշել է այն դարձյալ փոխել։ Հիմնական փոփոխությունն այս անգամ վերաբերում է արտակարգ կամ ռազմական դրության դեպքերին։
Արդարադատության նախարարությունն առաջարկում է նոր քվեարկություն անցկացնել։ Եթե մինչև ձայների հաշվարկի ավարտը հայտարարվի արտակարգ կամ ռազմական դրություն, և արդյունքները գրանցվեն արձանագրությունում, ապա ընտրական գործընթացը կկասեցվի։ Այն վերսկսելու համար անհրաժեշտ կլինի նոր քվեարկություն կազմակերպել։
Ինչ հետևանքներ կարող է ունանալ այս փոփոխությունը մանավանդ հետընտրական փուլում` զանգվածային դժգոհության ակցիաների դեպքում։ Ընտրական օրենսգրքի փոփոխությունների շուրջ Sputnik Արմենիան զրուցել է «Լուսավոր Հայաստան» կուսակցության անդամ Դավիթ Խաժակյանի հետ։