Ադրբեջանը չի ունեցել Արցախի հանդեպ ագրեսիայի ոչ մի միջազգայնորեն լեգիտիմ հիմք.Բադալյան

Sputnik
Ազգային ժողովի նախագահ Ալեն Սիմոնյանը վերջերս իր հարցազրույցներից մեկում անդրադառնալով Արցախի նկատմամաբ Ադրբեջանի սանձազերծած ագերսիային ասել է, թե Ադրբեջանն արեց Ղարաբաղում մի գործողություն, որի տակ ինքն ուներ ՄԱԿ-ի առնվազն 3-ից 4 բանաձև:
Երեկ արդեն իր այս հայտարարությանն անդրադառնալով, Սիմոնյանը պարզաբանել է, թե ինչ նկատի ուներ, ասելով, որ Ադրբեջանն իր գործողությունները Լեռնային Ղարաբաղում իրականացրել է միջազգայնորեն ճանաչված սկզբունքների հիման վրա` իր տարածքում։
Քաղաքական վերլուծաբան Հակոբ Բադալյանը Sputnik Արմենիայի հետ զրույցում անդրադառնալով Ազգային ժողովի նախագահի ասածներին, նշել է, որ Սիմոնյանի «բացատրությունը» որեւէ կերպ՝ մեղմ ասած ավելի հաջող չէ, քան բուն հայտարարությունը: Ըստ Բադալյանի` ադրբեջանական ագրեսիայի հիմքում չի եղել միջազգայնորեն ճանաչված որևէ սկզբունք:
«Ադրբեջանը չի ունեցել Արցախի հանդեպ ագրեսիայի ոչ մի միջազգայնորեն լեգիտիմ հիմք».-ընդգծել է քաղաքական վերլուծաբան Հակոբ Բադալյանը։