Կապան-Սիսիան ավտոճանապարհը փակ է բեռնատարների համար

ԵՐԵՎԱՆ, 22 հոկտեմբերի – Sputnik․ Սյունիքի մարզում Կապան-Սիսիան ավտոճանապարհը փակ է բեռնատարների համար։ Տեղեկությունը հայտնում է ՀՀ ՆԳՆ փրկարար ծառայությունը։ Իսկ Աղվանի-Տաթև-Լծեն ավտոճանապարհին ձյուն է տեղում։ Shamshyan.com-ի տեղեկություններով՝ այս ճանապարհին նաև մերկասառույց է։

Պարեկները նշված վայրից դուրս են բերել 20-ից ավելի տրանսպորտային միջոցներ, այդ թվում՝ բեռնատարներ, որոնց հիմնական մասը երթևեկել է ամառային անվադողերով։

Ինչ վերաբերում է Լարսին, ապա ՀՀ ՆԳՆ փրկարար ծառայության տեղեկություններով՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար: