Հանդիպումից հետո մի քանի կարևոր հայտարարություն արեց Սերգեյ Լավրովը։ Նա նշեց, որ Ռուսաստանը, Իրանը և Թուրքիան Երևանին և Բաքվին առաջարկել են օգտագործել «3+3» հարթակը խաղաղության պայմանագրի նախագծի վրա աշխատանքը ավարտելու համար, հիշեցրել է նախապատրաստական աշխատանքն ու հիմքերը, որոնք ստեղծվել են Ռուսաստանի միջնորդությամբ։ Այդ պայմանագրերը վերաբերում են թե՛ հաղորդակցությունների ապաշրջափակմանը, թե՛ սահմանազատմանը։
Լավրովը հայտնել է նաև, որ Ադրբեջանի հետ հարաբերությունները կարգավորելու համար Հայաստանը ցանկանում է ուղիղ շփվել Թուրքիայի հետ։ Թեև նրա խոսքով` ամեն դեպքում Երևանի և Անկարայի հարաբերությունները կապված են հայ-ադրբեջանական կարգավորման հետ:
Ինչ կարևոր արձանագրումներ եղան «3+3»-ի ստամբուլյան բանակցություններում. Sputnik Արմենիան զրուցել է քաղաքագետ Ստեփան Դանիելյանի հետ։