ԵՐԵՎԱՆ, 13 հոկտեմբերի - Sputnik. Լիբանանի բնակավայրերը ռմբակոծելիս իսրայելական բանակը կասետային ռումբեր է կիրառել, հաղորդում է «Հզբոլլահ»շարժումը:
Հայտարարության համաձայն՝ ՑԱԽԱԼ-ն արգելված զինամթերք է օգտագործել Լիբանանի հարավում գտնվող Խանին և Էթ-Թեյրի գյուղերին հարվածելու ժամանակ:
«Սա Լիբանանի և Պաղեստինի ժողովուրդների դեմ նոր բարբարոսական հանցագործություն է, որն առաջացել է միջազգային հանրության կողմից իսրայելական ագրեսիան կանգնեցնելու անկարողության պատճառով», - ասվում է հայտարարության մեջ:
Կասետային զինամթերքն արգելված է 2008 թվականին Օսլոյում ընդունված միջազգային կոնվենցիայով։
Նշենք, որ օրվա առաջին կեսին իսրայելական օդուժն ուժեղացրել է հարձակումները Լիբանանի սահմանային շրջանների վրա` ինտենսիվ հարվածներ հասցնելով Ալմա-էշ-Շաաբ, Բեյթ-Լիֆ, Կուզախ, Ռամիա, Էդ-Դուհեյրա և Յարին բնակավայրերին: