Անցնող շաբաթվա ընթացքում կարևոր իրադարձություններ տեղի ունեցան, որոնք միմյանց հետ կապ չունեն միայն առաջին հայացքից։ Երևանում էր ՆԱՏՕ-ի պաշտոնյան, որը հետո գնաց Բաքու, որտեղ նրան դժգոհեցին Հայաստանում Եվրամիության առաքելությունից։ Գրեթե նույն ժամանակում Ռուսաստանի անվտանգության դաշնային ծառայության տնօրենը հայտարարեց, որ Արևմուտքը ձգտում է ՆԱՏՕ-ի երկրներից հավաքված իր «խաղաղապահ» զորակազմը մտցնել Անդրկովկաս։
Մի քանի օր հետո էլ հայտնի դարձավ, որ Հայաստան–Իրան պետական սահմանի հսկիչ–սահմանային կետում ծառայությունն ամբողջությամբ կիրականացնեն Հայաստանի սահմանապահները, Ռուսաստանի սահմանապահները դուրս կգան։ Մինչդեռ Եվրադիտորդները, որոնք արդեն ոչ միայն Սյունիքի մարզում են այլ նաև Վայոց Ձորում, Գեղարքունիքում և Տավուշում, մնալու են ու դեռ ավելանան։
Իրադարձությունների այս օղակները մեր խնդրանքով մի շղթայում է միավորել բանակցային գործի մասնագետ Արթուր Մարտիրոսյանը։