Նախօրեին գրեթե միաժամանակ պաշտոնից ազատվելու դիմումներ ներկայացրեցին էներգետիկայի ոլորտի հետ առնչություն ունեցող պաշտոնյաներ․ դիմում գրեց Հանրային ծառայությունները կարգավորող հանձնաժողովի նախագահ Գարեգին Բաղրամյանը, որն այդ պաշտոնում էր արդեն մոտ 5 տարի, այնուհետև՝ տարածքային կառավարման և ենթակառուցվածքների նախարարի տեղակալ Հակոբ Վարդանյանը, որը մինչև փոխնախարար դառնալը պաշտոններ է զբաղեցրել ՀԷՑ-ում, «Տաշիր Գրուպ»-ում և «Բարձրավոլտ էլեկտրական ցանցեր»–ում։
Մամուլը գրեց, որ այս ազատումները պայմանավորված են էլեկտրաէներգիայի մատակարարման խնդիրներով և այդ մասին Ազգային Ժողովում կայացած լսումներով:
Քաղաքագետ Հրանտ Միքայելյանի կարծիքով` շատ ավելի հավանական է, որ պաշտոնյաներն աշխատանքից ազատվել են ոչ թե էլեկտրաէներգիայի մատակարարման որակի, այլ գնի պատճառով։