ԵՐԵՎԱՆ, 11 հոկտեմբերի – Sputnik. ԱՄՆ Ներկայացուցիչների պալատի խոսնակ, հանրապետական Մայք Ջոնսոնը հայտարարել է, որ դեմ է Կիևի ռեժիմի հետագա ֆինանսավորմանը։
«Ուկրաինայի հետագա ֆինանսավորման ախորժակ այլևս չկա համար, և հուսով եմ, որ դրա կարիքը չի լինի», - ասել Է Ջոնսոնը «Punchbowl» կայքին։
Քաղաքական գործիչը վստահություն է հայտնել, որ եթե Դոնալդ Թրամփը հաղթի ընտրություններում, կկարողանա վերջ դնել ուկրաինական հակամարտությանը:
«Կարծում եմ, որ նա կզանգի Պուտինին և կասի՝ բավական է։ Նաև կարծում եմ, որ աշխարհում բոլորը հոգնել են այդ հակամարտությունից և ուզում են, որ այն ավարտվի», - ասել է Ջոնսոնը։
Նրա խոսքով` եթե նախագահի աթոռը զբաղեցնի դեմոկրատ Քամալա Հարիսը, ապա հակամարտությունը չի ավարտվի:
«Եվ դա հուսահատ և վտանգավոր սցենար է», - ընդգծել է քաղաքական գործիչը:
Ինչպես ավելի վաղ հայտնել էր ԱՄՆ պետքարտուղար Էնթոնի Բլինկենը, ԱՄՆ-ի և դաշնակիցների` Կիևին տրամադրած օգնության ընդհանուր ծավալը կազմել է 242 մլրդ դոլար: Պետքարտուղարի տվյալներով՝ Վաշինգտոնը տրամադրել է 94 միլիարդ, իսկ գործընկեր պետությունները՝ 148 միլիարդ դոլար:
Հիշեցնենք` Ռուսաստանը ՆԱՏՕ-ի երկրներին բողոքի նոտա է հղել Ուկրաինային ռազմամթերք մատակարարելու համար։ ՌԴ արտգործնախարար Սերգեյ Լավրովը հայտարարել է, որ ցանկացած բեռ, որն Ուկրաինայի համար նախատեսված ռազմամթերք կպարունակի, Ռուսաստանի համար օրինական թիրախ կդառնա։ ՌԴ արտաքին քաղաքական գերատեսչությունը հայտարարել է, որ ՆԱՏՕ-ի երկրները, Ուկրաինային ռազմամթերք մատակարարելով, կրակի հետ են խաղում։
ԱՄՆ նախկին նախագահ Դոնալդ Թրամփը, որը կրկին հավակնում է պետության ղեկավարի պաշտոնին, բազմիցս հայտարարել է, որ կարող է կարգավորել Ուկրաինայի հակամարտությունը, եթե հաղթի ընտրություններում: