Factor.am կայքն անդրադարձել է ՔՊ-ի վարչության երեկվա նիստին, որտեղ ըստ վարչապետի հրապարակման քննարկվել են կադրային հարցեր։ Ըստ կայքի՝ նիստում քննարկվել է նաև արդարադատության նախարարի թեկնածության հարցը և ՔՊ-ականները որևէ որոշման չեն եկել։ Factor -ի տեղեկություններով, շրջանառվող բոլոր թեկնածուները ինքնաբացարկ են հայտնել, իր թեկնածությունը թողել է միայն պատգամավոր Արփի Դավոյանը։ Բայց նրա թեկնածույունը չի հաստատվել, քանի որ կողմ են քվեարկել վարչության անդամներից միայն երկուսը՝ Վահագն Ալեքսանյանն ու Սուրեն Պապիկյանը։
«Հրապարակ» թերթը գրում է. «Արգիշտի Քյարամյանի դեմ իշխանության որոշ ներկայացուցիչների անբարյացակամ վերաբերմունքն արդեն բացահայտ դրսևորումներ է ստանում։ Վերջին օրերին Քննչական կոմիտեն տոնում է իր կազմավորման 10-ամյա հոբելյանը, բայց միջոցառումներին «դրսից» գրեթե մարդ չի մասնակցում, մեծարանքի խոսքեր, շնորհավորական ուղերձներ չեն տարածվում։
«Ժողովուրդ» օրաթերթը գրում է, որ իշխանությունում շարունակվում է արշավը՝ ընդդեմ ռուսաստանաբնակ հայ գործարար, «Տաշիր» ընկերությունների խմբի նախագահ Սամվել Կարապետյանի: Իշխանականներն ամեն ջանք գործադրում են, որպեսզի նրա ձեռքից խլեն «Հայաստանի էլեկտրական ցանցերը»: