Սրբազան շարժման մասնակիցներն այսօր ակցիա են իրականացրել Գլխավոր դատախազության դիմաց։ Բագրատ արքեպիսկոպոս Գալստանյանը հայտարարել է, որ 2 գործ ունեն հանձնելու դատախազություն՝ քրեական վարույթ հարուցելու համար։
Առաջինը վերաբերում է Արցախի հայաթափմանը։ Սրբազանի խոսքով՝ Հայաստանի իշխանությունը որևէ քայլ չի արել Արցախի երաշխավորը լինելու պարտավորությունները կատարելու ուղղությամբ, հետևաբար դարձել է հանցակից։
Երկրորդ հայցը հայ-ադրբեջանական սահմանազատման կանոնակարգի մասին Սահմանադրական դատարանի որոշման վերաբերյալ է, ըստ որի՝ Անկախության հռչակագրի դրույթները ճանաչվում են ոչ իրավական։