Խորհրդարանական ըդդիմությունը երկրի ղեկավարի առաջ այս շաբաթ բարձրացրեց խաղաղության կոչվող պայմանագրի բովանդակությանը ծանոթանալու խնդիրը։ «Հայաստան» խմբակցության քարտուղար Արծվիկ Մինասյանը տեղեկացրեց, որ պատրաստվում են նույնիսկ դիմել դատարան` պարզելու, թե ինչու է ընդդիմադիր պատգամավորներին արգելված ծանոթանալ խաղաղության պայմանագրի տեքստին։ Փաշինյանը Ազգային Ժողովի ամբիոնից հայտարարեց, որ ինքն է արգելել և լավ է արել։
Նա նաև պնդեց, որ տարբեր առիթներով պայմանագրի բովանդակությունը բացահայտել է մարդկանց հետ մարզային հանդիպումների և քննարկումների ժամանակ։ Բայց տեքստը հրապարակելն ըստ նրա` «դիվանագիտական կոռեկտության խնդիր է»։
Ի վերջո, որտեղ է ավարտվում հրապարակայնությունն ու սկսվում է պետական գաղտնիքը, կա արդյոք իրավական կարգավորում, թե ով կարող է առնչություն ունենալ դիվանագիտական փաստաթղթերին, թե ամեն ինչ որոշողը երկրի ղեկավարն է` կարգելի ու լավ կանի։ Թեմայի շուրջ զրուցել են միջազգային իրավունքի մասնագետ, փաստաբան Արա Ղազարյանի հետ։