ԵՐԵՎԱՆ, 1 հոկտեմբերի - Sputnik. Ռուսական զորքերը «Իսկանդեր-Մ»-ի հարվածով Խերսոնի մարզում ոչնչացրել են Ուկրաինայի ռազմածովային ուժերի ծովային հետևակի 37-րդ բրիգադի ղեկավար կազմի մինչև 60 մարդ, հայտնել են ՌԴ ՊՆ-ից:
Նախարարությունը հրապարակել է Խերսոնի մարզի Վելիկայա Ալեքսանդրովկա ավանում գտնվող շենքին (որտեղ տեղի է ունեցել ռազմածովային ուժերի ծովային հետևակի 37-րդ բրիգադի ղեկավարության հանդիպումը) «Իսկանդեր-Մ»-ի հարվածի տեսանյութը։
Գերատեսչության տվյալներով՝ հարվածի հետևանքով ոչնչացվել է երեք միկրոավտոբուս, 12 միավոր մարդատար ավտոմոբիլային տեխնիկա և ղեկավար կազմի մինչև 60 մարդ: