ՌԴ դեսպանը հանդիպել է ՀՀ ժամանած Ռուս ուղղափառ եկեղեցու պատվիրակության հետ

ԵՐԵՎԱՆ, 27 սեպտեմբերի - Sputnik. ՀՀ-ում ՌԴ դեսպան Սերգեյ Կոպիրկինը ռուս և հայ ժողովուրդների ավանդական հոգևոր-բարոյական ընդհանրության ամրապնդման հարցերն է քննարկել Սմոլենսկի և Դորոգոբուժսկի միտրոպոլիտ Իսիդորի հետ: Այս մասին հայտնում է Հայաստանում Ռուսաստանի դեսպանատունը։

Ռուս ուղղափառ եկեղեցու պատվիրակությունը՝ միտրոպոլիտ Իսիդոր գլխավորությամբ, Հայաստան է ժամանել Հայ առաքելական եկեղեցու ղեկավարության հրավերով՝ մասնակցելու Էջմիածնի Մայր տաճարի վերաօծման հանդիսավոր միջոցառումներին:

Հիշեցնենք, որ Էջմիածնի Մյուռոնօրհնեքի և Մայր Տաճարի վերաօծման պատմական արարողությունը տեղի կունենա 2024 թվականի սեպտեմբերի 28-29-ին։