Սեպտեմբերի 24-ին Նյու Յորքում վարչապետ Նիկոլ Փաշինյանի` Թուրքիայի նախագահ Ռեջեփ Թաիփ Էրդողանի հետ հանդիպումից ու այդ հանդիպումից հետո Էրդողանի հետ նրա հեղինական գրքով լուսանկարի հրապարակումից հետո Հայստանի քաղաքական ու հանրային տիրույթում բուռն քննարկումներ են սկսվել։
Արդեն մի քանի օր է, ինչ լրատվամիջոցներում ու սոցիալական հարթակներում տարածվում է ոչ միայն Փաշինյանի ու Էրդողանի հիշյալ լուսանկարը, այլև ի հակադրություն դրա` Հայաստանի ու Թուրքիայի նախկին ղեկավարների հանդիպումներից համանման լուսանկարներ։ Նախկին ու ներկա իշխանությունների համակիրները փոխադարձ մեղադրանքներով քննարկում են, թե ով ում հետ և ինչ պայմաններում է հանդիպել, ով է ավելի լայն ժպտացել։
Քննարկումները չեն շրջանցել նաև մեկ այլ հայտնի լուսանկար, որտեղ Արդարադատության փոխնախարար Սիրվարդ Գևորգյանը նկարված է Ռոբերտ Քոչարյանի հեղինակած գիրքը ձեռքին, և, որի պատճառով, ըստ որոշ տեղեկությունների, «Քաղաքացիական պայմանագիրը» նախաձեռնել է Արդարադատության նախարար Գրիգոր Մինասյանի պաշտոնանկության գործընթացը։
Այն մասին, թե հայտնի լուսանկարների շուրջ ծավալված բուռն վեճերը մեկնաբանելով հոգեբան Կարինե Նալչաջյանը եզրակացնում է, որ ամեն ինչ ավել քան պարզ է։
«Այս իշխանության համար որո՞նք են արժեքները. Էրողանը, նրա գիրքը, նրա կինը»,– Sputnik Արմենիայի եթերում ասել է հոգեբանը` հավելելով, որ այդ մտածողությամբ անձինք ՀՀ–ում փոքրամասնություն են, բայց տանում են ոչնչացման մեծամասնությանը, նաև` երկիրը։