ԵՐԵՎԱՆ, 26 սեպտեմբերի - Sputnik. ՀՀ կառավարությունը հաստատեց սահմանամերձ բնակավայրերին նաև 2025 թվականին կոմունալ ծախսերը հոգալու համար պետական աջակցություն տրամադրելու ծրագիրը։
Հայաստանում սահմանամերձ 82 բնակավայր կա։
Կշարունակվի բնակիչներին անշարժ գույքի հարկի (ադրբեջանական կողմի հրետակոծության տակ գտնվող հողերի մասով) ամբողջական փոխհատուցում տրամադրելը, իսկ գազի, էլեկտրաէներգիայի և ոռոգման ջրի սակագնի դեպքում փոխհատուցումը կլինի մասնակի։
Ընդհանուր առմամբ նախատեսվում է այդ նպատակի համար հատկացնել 988 մլն 933 հազար դրամ։