Անվատնգության խորհրդի քարտուղար Արմեն Գրիգորյանն այս շաբաթ մասնակցեց «Ուկրաինայի խաղաղության բանաձևի» պարենային անվտանգության առցանց համաժողովին։ Այս առիթով Ռուսաստանի Արտգործնախարարության պաշտոնական ներկայացուցիչ Մարիա Զախարովան հիշեցրել է, որ Հայաստանի պարենային անվտանգությունը կախված է Ռուսաստանից և բերել է հացահատիկի օրինակը, որի 90 տոկոսը գալիս է Ռուսաստանից։
Հաշվի առնելով տնտեսական կախվածությունը Ռուսաստանից, Հայաստանը կարո՞ղ է արդյոք ազատ քայլեր անել քաղաքական ոլորտում. հարցն ուղղել ենք «Այլընտրանք» հետազոտական կենտրոնի ղեկավար, տնտեսագիտության դոկտոր, պրոֆեսոր Թաթուլ Մանասերյանին։