ԵՐԵՎԱՆ, 18 սեպտեմբերի – Sputnik. Լիբանանյան «Հըզբոլլահ» շարժումը` մեկնաբանելով փեյջերների պայթյուններն ու հարյուրավոր մարդկանց վիրավորումը, հայտարարել է, որ Իսրայելը կոշտ պատասխան կստանա Լիբանանի ժողովրդի վրա հարձակվելու համար։ Այս մասին հայտնում է ՌԻԱ Նովոստին։
«Լիբանանի իսլամական դիմադրությունը կշարունակի գործողություններն ի աջակցություն Գազայի, ինչպես և նախկինում, դա չդադարող գործընթաց է։ Սակայն այն կապ չունի կոշտ պատասխանի հետ, որը թշնամին կստանա Լիբանանի ժողովրդի դեմ երեքշաբթի իրականացրած ջարդի համար։ Հատուցումն անխուսափելի է», – ասվում է շարժման հայտարարության մեջ։
Երեկ Լիբանանի տարբեր շրջաններում փեյջերներ են պայթել, ինչի հետևանքով, առողջապահությա նախարար Ֆիրաս Աբյադի խոսքով, 8 մարդ է զոհվել, ավելի քան 2.8 հազարը տուժել։
ԶԼՄ–ները հայտնում են, որ փեյջերներն օգտագործում են «Հըզբոլլահի» անդամները որպես կապի փակ միջոց, որը կոտրելն ավելի դժվար է։ Սարքերի միաժամանակ պայթելու պատճառը դեռ հայտնի չէ։ «Հըզբոլլահն» ու Լիբանանի իշխանությունները տեղի ունեցածի համար մեղադրել են Իսրայելին։