ԱՄՆ պետքարտուղարությունը ցանկացած ճանապարհով ուզում է հանդիպում կազմակերպել Երևանի և Բաքվի միջև։ Այս շաբաթ պետքարտուղար Բլինկենը հեռախոսով խոսեց Հայաստանի և Ադրբեջանի ղեկավարների հետ, որից հետո նրա խոսնակ Միլլերը հայտարարեց, որ Վաշինգտոնը չի պատրաստվում հետ կանգնել իր նախաձեռնություններից և պատրաստ է Հայաստանի և Ադրբեջանի ներկայացուցիչների հանդիպում կազմակերպել։ Կարծիք կա, որ այն հնարավոր է տեղի ունենա Նյու Յորքում։
Բանակցությունների սեղանին այսպես կոչված Խաղաղության պայմանագիրն է, որի 16 կետերից 13-ը համաձայնացված են։ Հայաստանն առաջարկեց վավերացնել համաձայնեցված մասը, բայց Ադրբեջանը մերժեց։ Երևա՞նը կհայտնվի ամերիկյան ճնշումների ներքո, որպեսզի ավարտին հասցնի պայմանագրի ամբողջական տեքստը, թե՞ Բաքուն, որին կստիպեն ստորագրել Խաղաղության պայմանագիրը ամերիկյան ընտրություններից առաջ այն հաղթաթուղթ դարձնելու համար։ Ի վերջո որն է Միացյալ Նահանգների նպատակը, ինչով է պայմանավորված Ամերիկայի շտապողականությունը մանավանդ նախընտրական այս թեժ շրջանում։ Հարցերի շուրջ զրուցել ենք քաղաքագետ Ստեփան Դանիելյանի հետ։