Շիրակի մարզպետարանի պաշտոնյան և Գյումրու դպրոցներից մեկի տնօրենը կալանավորվել են

ԵՐԵՎԱՆ, 12 սեպտեմբերի – Sputnik. Կալանավորվել են Շիրակի մարզպետարանի պաշտոնյաներից մեկը և Գյումրու դպրոցներից մեկի տնօրենը։ Այս մասին Sputnik Արմենիային հայտնեցին Հակակոռուպցիոն կոմիտեից։

Գյումրու այդ դպրոցի փոխտնօրենն էլ ձերբակալվել է։ Քննվող քրեական վարույթը կաշառք ստանալու և կաշառք տալու վերաբերյալ է։

Sputnik Արմենիայի տեղեկություններով մարզպետարանի պաշտոնյան կրթության վարչության պետ Հրայր Կարապետյանն է։

Հիշեցնենք՝ սեպտեմբերի 11-ին հակակոռուպցիոն կոմիտեից հայտնել էին, որ Շիրակի մարզպետարանի պաշտոնյաներից մեկը, Գյումրու դպրոցներից մեկի տնօրենը և փոխտնօրենը ձերբակալվել են։