ՌԴ–ում ՀՀ նորանշանակ դեսպանն իր հավատարմագրերի պատճենները հանձնել է Միխայիլ Գալուզինին

ԵՐԵՎԱՆ, 11 սեպտեմբերի – Sputnik. Ռուսաստանում Հայաստանի նորանշանակ դեսպան Գուրգեն Արսենյանն այսօր իր հավատարմագրերի պատճեններն է հանձնել ՌԴ փոխարտգործնախարար Միխայիլ Գալուզինին։ Տեղեկությունը հայտնում է ՌԴ ԱԳՆ մամուլի ծառայությունը։

Նշվում է, որ զրույցի ընթացքում քննարկվել են հայ-ռուսական հարաբերությունների վիճակն ու հեռանկարները:

Գալուզինը հաջողություն է մաղթել Արսենյանին Մոսկվայում իր առաքելության իրականացման գործում:

Հիշեցնենք, որ ՀՀ ԱԺ «Քաղաքացիական պայմանագիր» խմբակցության նախկին պատգամավոր Գուրգեն Արսենյանը ՌԴ-ում ՀՀ դեսպան նշանակվեց օգոստոսի 15-ին։

Գուրգեն Արսենյանը մանդատը վայր դնելու դիմումը ներկայացրել էր օգոստոսի 6-ին։

Մինչ այդ ՌԴ–ում ՀՀ դեսպանը Վաղարշակ Հարությունյանն էր, որն այդ պաշտոնում նշանակվել էր 2022–ի հունվարին։