Խորհրդարանական հարցուպատասխանի ժամանակ «Հայաստան» խմբակցության քարտուղար Արծվիկ Մինասյանը ԱԳ նախարար Միրզոյանին փոխանցեց Գերմանիայում բնակվող հայերից ստացած մտահոգությունը։
Մինասյանի խոսքով՝ իրեն դիմած քաղաքացիները հայտնել են, որ Գերմանիայի միգրացիոն հարցերով զբաղվող գերատեսչության կողմից կազմված ապաստան հայցողների անձնական թերթիկներում Հայաստանին զուգահեռ նշվում է Ադրբեջանը, ուստի մտավախութուն կա, թե արտաքսման դեպքում իրենց կարող են ուղարկել ոչ թե Հայաստան, այլ Ադրբեջան։
Արարատ Միրզոյանը խոստացել է, որ կքննարկեն հարցը, բայց և հայտնել, որ իրականում նման տենդենց կա․ Հայաստանի քաղաքացիները՝ մտածելով, որ ավելի հեշտ ապաստան կստանան այս կամ այն երկրում, որպես անձնական տվյալ նշում են, օրինակ, Ադրբեջանի Հանրապետությունը: