ԵՐԵՎԱՆ, 4 սեպտեմբերի - Sputnik. Հեռավոր Արևելքում ավիափոխադրումների զարգացման համար Ռուսաստանին պետք է տարածաշրջանային ինքնաթիռ, սակայն դրա ստեղծման ժամկետներն անընդհատ փոխվում են: Այս մասին հայտարարել է Ռուսաստանի նախագահ Վլադիմիր Պուտինը՝ Արևելյան տնտեսական համաժողովի շրջանակներում Հեռավոր Արևելքի դաշնային շրջանի (ՀԱԴՇ) զարգացման վերաբերյալ խորհրդակցության ընթացքում, փոխանցում է ՌԻԱ Նովոստին։
«Մեր հանդիպման մեկ այլ թեմա վերաբերում է հաղորդակցության բարելավմանը, Հեռավոր Արևելքի և նրա շրջանների միջև տրանսպորտային մատչելիության բարձրացմանը։ Այստեղ առաջնահերթությունների թվում է ավիացիոն փոխադրումների զարգացումը։ Մեզ տարածաշրջանային ինքնաթիռ է պետք, բայց շարունակ հետաձգում ենք մեզ համար այդքան անհրաժեշտ տրանսպորտի տվյալ տեսակի կառուցումն ու շահագործման հանձնելը», - ասել է Ռուսաստանի նախագահը։
Ավիացիոն փոխադրումների զարգացումը և նոր երթուղիների ձևավորումն առաջնային են Հեռավոր Արևելքի դաշնային օկրուգի համար, հայտարարել Է Պուտինը:
«Խորհրդակցության ևս մեկ թեմա վերաբերում է հաղորդակցության բարելավմանը, Հեռավոր Արևելքի տրանսպորտային մատչելիության բարձրացմանը և նրա շրջանների միջև կապվածությանը», - ասել Է Պուտինը:
Ռուսաստանի առաջնորդը նշել է, որ դա հեշտ խնդիր չէ՝ հաշվի առնելով Հեռավոր Արևելքի հսկայական տարածքը:
«Այստեղ առաջնահերթությունների թվում է նախ և առաջ ավիացիոն փոխադրումների զարգացումը, քաղաքացիների համար նոր՝ ավելի հարմար երթուղիների ձևավորումը», - ընդգծել է նա:
Պուտինը նշել է, որ Հեռավոր Արևելքի ուղղություններով օդային փոխադրումների ծավալն անշեղորեն աճում է․ 10 տարվա ընթացքում ուղևորահոսքը կրկնապատկվել է՝ անցյալ տարի կազմելով 10,5 միլիոն մարդ:
Արևելյան տնտեսական համաժողովը տեղի է ունենում սեպտեմբերի 3-6-ին՝ Հեռավորարևելյան դաշնային համալսարանի տարածքում: Sputnik-ը միջոցառման գլխավոր տեղեկատվական գործընկերն է։