ԵՐԵՎԱՆ, 4 սեպտեմբերի - Sputnik. Եվրասիական տնտեսական միությունում (ԵԱՏՄ) վերացվել են ակցիզի ենթակա ապրանքների տեղափոխման 14 տարի առաջ ընդունված սահմանափակումները: Այս մասին հայտնում է Եվրասիական տնտեսական հանձնաժողովի (ԵՏՀ) մամուլի ծառայությունը։
2014 թվականին հաստատվել է այն ապրանքների ցանկը, որոնց նկատմամբ չէին կարող կիրառվել լիազորված տնտեսական օպերատորներին տրամադրվող հատուկ պարզեցումները: Այն ներառում էր ակցիզի ենթակա ապրանքները և կիրառվում էր ավելի քան 10 տարի։
«Ապրանքների առանձին կատեգորիայի նկատմամբ պարզեցումների կիրառման երկար տարիներ գոյություն ունեցող սահմանափակման վերացումը կնպաստի նման ապրանքների ներմուծում իրականացնող լիազորված տնտեսական օպերատորների համար ծախսերի նվազեցմանը։ Մակրոտնտեսական անկայունության պայմաններում, որոնք կապված են այդ թվում լոգիստիկայի բարդությունների հետ, դա նաև Միության բիզնեսին աջակցելու լրացուցիչ միջոց է»,-նշել է ԵՏՀ մաքսային համագործակցության հարցերով նախարար Էլդար Ալիշերովը։
Որոշման ընդունումը կնպաստի ԵԱՏՄ-ում լիազորված տնտեսական օպերատորների ինստիտուտի հետագա զարգացմանը՝ դրանում ներգրավելով ավելի շատ ընկերություններ, այդ թվում՝ ակցիզի ենթակա ապրանքների ներմուծում իրականացնող: