ԵՐԵՎԱՆ, 30 օգոստոսի - Sputnik. Այսօր ժամը 18:41-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Դուրյան թաղամասի շենքերից մեկի մոտակա այգում երեխայի ոտքը արգելափակվել է մետաղյա նստարանի ճաղերի արանքում. դուրս բերելու համար անհրաժեշտ է փրկարարների օգնությունը:
Տեղեկությունը հայտնում են ՆԳՆ փրկարար ծառայությունից։
Դեպքի վայր է մեկնել ՆԳՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Փրկարարները հիդրավլիկ գործիքի օգնությամբ Է․ Օ․-ի (ծնված 2016 թ․) ոտքը դուրս են բերել արգելափակումից: