Օգոստոսի 30-ն աշխարհում նշվում է որպես անհայտ կորածների օր։ Օրվա առիթով Հայաստանում ԿԽՄԿ պատվիրակության հաղորդակցման ծրագրերի ղեկավար Զառա Ամատունին լրագրողներին հայտնել է, որ Արցախյան առաջին պատերազմից սկսած մինչ օրս հայկական կողմից անհետ կորած է համարվում շուրջ 1000 մարդ. 700-ը` առաջին պատերազմից հետո, 300–ը 2020–2023 թթ–ի ընթացքում։
Կարմիր խաչի ներկայացուցիչը նաև ասել է, որ կազմակերպությունը անհայտ կորածների հայտաբերման հարցով Ադրբեջանի իշխանությունների հետ բնակցություններին չի մասնակցում, քանի որ ունի մարդասիրական ու չեզոք միջնորդի մանդատ։Բայց երկխոսության միջոցով մշտապես փորձում է հարցը պահել իշխանությունների և պատկան մարմինների ուշադրության կենտրոնում: