ԵՐԵՎԱՆ, 24 օգոստոսի – Sputnik․ Արարատի մարզի Այնթապ գյուղի պահեստներից մեկում խոշոր հրդեհ է բռնկվել։ Տեղեկությունը հայտնում է ՀՀ ՆԳՆ փրկարար ծառայությունը։
Արարատի մարզային փրկարարական վարչության ճգնաժամային կառավարման կենտրոնը հրդեհի մասին ահազանգը ստացել է 11։20-ի սահմաններում։
Դեպքի վայր են մեկնել հրշեջ-փրկարարական ջոկատներից 6 մարտական հաշվարկ։ Ժամը 11։50-ի դրությամբ հրդեհը մեկուսացվել է է։
Հավելենք, որ ըստ shamshyan.com-ի՝ դիզվառելիքի պահեստ է այրվում։ Կայքի տեղեկություններով՝ 1 հոգի տեղափոխվել է հիվանդանոց: