ԵՐԵՎԱՆ, 20 օգոստոսի – Sputnik․ Կոտայքի մարզում ծեծի են ենթարկել որսորդմիության անդամ, Կոտայքի մարզի բնակիչ 41-ամյա Հակոբ Ա․-ին և վերցրել նրա անվամբ հաշվառված «Սայգա 410» մոդելի հրացանը։ Դեպքի առթիվ օգոստոսի 14-ին նախաձեռնվել է քրեական վարույթ։ Տեղեկությունը Sputnik Արմենիային հայտնեցին ՆԳՆ–ից։
Նախաքննությամբ պարզվել է, որ տղամարդուն մի քանի հոգով ծեծի են ենթարկել, ապա նրան պատկանող մեքենայից տարել «Սայգա 410» մոդելի հրացանը։
ՆԳՆ–ից հայտնեցին նաև, որ միջադեպի մասնակիցները հայտնաբերվել են, գողացված որսորդական զենքն էլ առգրավվել է։