Ո՞ւմ հետ կխաղան «Փյունիկն» ու «Նոան» Կոնֆերենցիաների լիգայի փլեյ-օֆֆում

ԵՐԵՎԱՆ, 16 օգոստոսի – Sputnik. Հայտնի են Ֆուտբոլի Հայաստանի չեմպիոն և փոխչեմպիոն «Փյունիկի» և «Նոայի» մրցակիցները Կոնֆերենցիաների լիգայի փլեյ-օֆֆ փուլում։

«Փյունիկը» փլեյ-օֆֆում կմրցի սլովենական «Ցելյեի» հետ։

Սլովենացիները Եվրոպայի լիգայի երրորդ փուլում երկու խաղերի արդյունքում պարտվել են իռլանդական «Շեմրոկ Ռովերսին» (2:3) ու հայտնվել Կոնֆերենցիաների լիգայի փլեյ-օֆֆում։

Իսկ Հայաստանի փոխչեմպիոն «Նոան» կմրցի Սլովակիայի «Ռուժոմբերոկի» հետ, որը երեկ պայքարից դուրս թողեց խորվաթական «Հայդուկին» (0:0; 1:0)։

Նշենք, որ փլեյ-օֆֆ փուլի առաջին հանդիպումները կկայանան օգոստոսի 22-ին, պատասխան խաղերը՝ 29-ին։

Հիշեցնենք, որ «Փյունիկը» Կոնֆերենցիաների լիգայի որակավորման երրորդ փուլում, երկու խաղերի արդյունքում, պայքարից դուրս թողեց Ղազախստանի չեմպիոն «Օրդաբասիին» (1:0;1:0), իսկ «Նոան»` հունական ԱԵԿ–ին (3:1;0:1)։