ԵՐԵՎԱՆ, 14 օգոստոսի - Sputnik. ԱՄՆ փոխնախագահ և նախագահի թեկնածու Քամալա Հարիսը ցանկանում է հեռու մնալ գործող նախագահ Ջո Բայդենից՝ մի շարք խնդիրներով վերջինիս առաջարկած, սակայն հանրային աջակցություն չունեցող լուծումների պատճառով: Այս մասին հայտնում է Axios հարթակը՝ վկայակոչելով Հարիսի խորհրդականներին։
«... Նա ցանկանում է Բայդենից տարբերվել այն խնդիրներում, որոնց համար վերջինիս առաջարկած լուծումները հանրային համակրանք չունեն։ Դրանցից առաջինը գների բարձրացումն է։ .. Հարիսը ցանկանում է գնաճի հարցում չլինել Բայդեն՝ առաջարկելով ավելի հստակ և ավելի կարևոր լուծումներ։ .. Նա նաև ակնհայտորեն մտադիր է հետ կանգնել ժողովրդավարության և այլ հարցերի վերաբերյալ Բայդենի՝ հաճախ հնացած հայացքներից», - նշում է ռեսուրսը։
Հարիսը նախընտրում է հանդես գալ որպես այլ տեսակի դեմոկրատ, քան Բայդենը։ Լրատվականների կարծիքով՝ նա ցանկանում է, որ իրեն ընկալեն որպես նախագահական մրցավազքում փոփոխություններ կատարող։
ԱՄՆ նախագահի ընտրությունները տեղի կունենան նոյեմբերի 5-ին: Հանրապետական կուսակցությունից նախագահի պաշտոնում պաշտոնապես առաջադրվել է Դոնալդ Թրամփը, իսկ դեմոկրատների թեկնածուն գործող փոխնախագահ Քամալա Հարիսն է։