Արթուր Ալեքսանյանը դարձավ օլիմպիական խաղերի փոխչեմպիոն

ԵՐԵՎԱՆ, 7 օգոստոսի - Sputnik. Հայաստանի ըմբշամարտի հավաքականի անդամ, օլիմպիական խաղերի ոսկե, արծաթե և բրոնզե մեդալակիր, աշխարհի քառակի և Եվրոպայի 7-ակի չեմպիոն Արթուր Ալեքսանյանը (97կգ) օլիմպիական խաղերի հունահռոմեական ոճի եզրափակիչում 4։1 հաշվով զիջեց իրանցի Մոհամադհադի Սարավիին ու նվաճեց արծաթե մեդալը։

Հիշեցնենք, որ 1/8 եզրափակիչում նա 9։0 հաշվով հաղթեց Կորեայի ներկայացուցիչ Սենջուն Կիմին, 1/4 եզրափակիչում 9։5 հաշվով` Ուզբեկստանի ներկայացուցիչ Ռուստամ Ասակալովին, իսկ կիսաեզրափակիչում 5։3 հաշվով հաղթեց Կուբայի ներկայացուցիչ Գաբրիել Ռոսիլյո Կինդելանին։

Ավելի վաղ մեդալներ էին նվաճել ըմբիշ Մալխաս Ամոյանն ու մարմնամարզիկ Արթուր Դավթյանը։