_12.jpg){kind=link}
ԵՐԵՎԱՆ, 5 օգոստոսի – Sputnik. Կանանց թենիսի ասոցիացիան (WTA) թարմացրել է թենիսիստ Էլինա Ավանեսյանի մարզական քաղաքացիության մասին տեղեկատվությունը։ Օգոստոսի 5-ի նոր վարկանիշում նա նշված է որպես Հայաստանի, ոչ թե Ռուսաստանի ներկայացուցիչ:
Ավելի վաղ, ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանը հայտնել էր, որ Ավանեսյանը պատրաստվում է փոխել իր սպորտային քաղաքացիությունը։
Նշենք, որ նրա օգտահաշվում այժմ հայկական դրոշն է երևում։