ԵՐԵՎԱՆ, 1 օգոստոսի – Sputnik. Արդեն հնարավոր է ՀՀ–ից Իրանի տարածքով Իրաք փոխադրել մանր եղջերավոր կենդանիներ։ Տեղեկությունը հայտնում է ՀՀ սննդամթերքի անվտանգության տեսչական մարմինը։
ՍԱՏՄ–ից հայտնում են, որ դա հնարավոր է դարձել բանակցությունների արդյունքում, որոնց շնորհիվ տարանցիկ փոխադրումը Իրաքի Հանրապետություն տեղի կունենա՝ նախապես ունենալով Իրաքի լիազոր մարմնի թույլտվությունը։
«Կենդանիները պետք է անցնեն 21 օրյա կարանտին ծագման երկրում՝ Իրանի անասնաբուժական կազմակերպության (IVO) ներկայացուցչի հսկողության ներքո»,– ասված է հաղորդագրության մեջ:
Ի դեպ, 2024 թ. ապրիլին Իրանը վերականգնել էր երկրի տարածքով Հայաստանից խոշոր եղջերավոր կենդանիների տարանցիկ փոխադրումը: