Բեյրութում փլատակներում հայտնաբերվել է «Հզբոլլահի» հրամանատար Ֆուադ Շուքրի մարմինը

ԵՐԵՎԱՆ, 31 հուլիսի - Sputnik. Լիբանանի մայրաքաղաք Բեյրութի հարավային ծայրամասում Իսրայելի ավիահարվածի հետևանքով զոհված լիբանանյան «Հզբոլլահ» շարժման բարձրաստիճան հրամանատար Ֆուադ Շուքրի մարմինը հայտնաբերվել է փլատակներում: Այս մասին ՌԻԱ Նովոստիին հայտնել է տեղի աղբյուրը։

Իսրայելի պաշտպանության բանակը Շուքրի չեզոքացման մասին հայտարարել է հուլիսի 31–ի գիշերը, իսկ «Հզբոլլահը» միայն հաստատել էր, որ Շուքրը գտնվում էր Բեյրութի արվարձանում գտնվող այն շենքում, որին հուլիսի 30–ի երեկոյան Իսրայելը հարված էր հասցրել, սակայն հայտարարել էր, որ դեռ չի կարող հայտնել նրա ճակատագրի մասին:

««Հզբոլլահի» հրամանատար Ֆուադ Շուքրի մարմինը հայտնաբերվել է Բեյրութի հարավային արվարձանում գտնվող շենքի փլատակներում»,-հայտնել է աղբյուրը:

Հիշեցնենք` Իսրայելը երեկ` հուլիսի 30-ին, հարված է հասցրել է Բեյրութի հարավային արվարձանին։ Վերջին տվյալներով` հարվածի հետևանքով 1 մարդ է մահացել, 68–ը` տուժել: Իսրայելի պաշտպանության բանակը հաստատել է, որ Լիբանանի մայրաքաղաքի վրա հարձակումը տեղի է ունեցել «Հզբոլլահի» բարձրաստիճան հրամանատարին ոչնչացնելու նպատակով։ Ըստ ՑԱԽԱԼ-ի` Շուքրը 12 երեխայի կյանք խլած գնդակոծության պատասխանատուն է։