Հայաստանը կմասնակցի Սյանշանի անվտանգության համաժողովին. Էդվարդ Ասրյան

ԵՐԵՎԱՆ, 30 հուլիսի – Sputnik. Հայաստանը կմասնակցի Սյանշանի անվտանգության հարցերով 11-րդ համաժողովին։ ՀՀ ԶՈւ գլխավոր շտաբի պետ Էդվարդ Ասրյանն այս մասին հայտնեց` ելույթ ունենալով Չինաստանի Ժողովրդական ազատագրական բանակի կազմավորման 97-ամյակի կապակցությամբ դեսպանատանը կազմակերպված միջոցառման ժամանակ։

Նա ընդգծեց, որ Չինաստանը Հայաստանի կարևորագույն գործընկերներից է, և Պեկինի հետ հարաբերությունների զարգացումը Երևանի առաջնահերթություններից է:

Ասրյանը նշեց, որ երկրները համագործակցում են նաև պաշտպանության նախարարության և ԶՈւ գլխավոր շտաբի մակարդակով: