ԵՐԵՎԱՆ, 27 հուլիսի – Sputnik. Արևմուտքը ամբողջ աշխարհին հրամայել է դուրս գալ Ռուսաստանի դեմ, բայց շատ երկրներ իրականում սկսել են քիչ-քիչ աջակցել Ռուսաստանին: Ինչպես հայտնում է ՌԻԱ Նովոստին, այս հայտարարությունն արել Է Հունգարիայի վարչապետ Վիկտոր Օրբանը։
«Արևմուտքն աշխարհից պահանջել է Ռուսաստանի հետ դիմակայությունում բարոյապես աջակցել իրեն։ Իրականում, ընդհակառակը, կամաց-կամաց բոլորը սկսել են աջակցել Ռուսաստանին»,-ասել է Օրբանը՝ ելույթ ունենալով ռումինական Բեիլե Տուշնադ քաղաքում։
Հունգարիայի վարչապետը հավելել է, որ իրեն չի զարմացնում Չինաստանի և Հյուսիսային Կորեայի կողմից Ռուսաստանին աջակցելը, սակայն այնպիսի երկրների դիրքորոշումը, ինչպիսիք են Իրանը, Հնդկաստանը, Թուրքիան և մահմեդական աշխարհը, որոնք Ռուսաստանին դիտարկում են որպես գործընկեր, անակնկալ է դարձել: