Ֆրանսիայի մայրաքաղաքում մեկնարկել է 33-րդ ամառային Օլիմպիական խաղերի բացման հանդիսավոր արարողությունը։
Առաջին անգամ Խաղերի բացումը անցկացվում էր ոչ թե ստադիոնում, այլ Սեն գետում՝ նավակների վրա։
206 երկրների մարզիկներ նավերի շքերթով իրենց երկրների դրոշները ծածանեցին Փարիզում։
Հայաստանի դրոշակակիրը բռնցքամարտիկ Դավիթ Չալոյանն էր։
Նշենք, որ Փարիզը, չնայած խաղերի հիմնական վայրն է, բայց մրցումները հյուրընկալելու են նաև երկրի 16 այլ քաղաքներ ու Հայիթի կղզին՝ Ֆրանսիական Պոլինեզիայում, որը գտնվում է Խաղաղ օվկիանոսում։
Ընդհանուր առմամբ, Փարիզի խաղերում ներկայացված է 32 մարզաձև, որոնցում խաղարկվելու է մրցանակների 329 հավաքածու:
Հայաստանը օլիմպիական խաղերին կներկայացնի 15 մարզիկ 7 մարզաձևերում։ Նրանք են` հրաձիգ Էլմիրա Կարապետյանը, մարմնամարզիկներ Արթուր Դավթյանն ու Վահագն Դավթյանը, հունահռոմեական ոճի ըմբիշներ Արթուր Ալեքսանյանը, Մալխաս Ամոյանը, Սլավիկ Գալստյանը, ազատ ոճի ըմբիշներ Արսեն Հարությունյանն ու Վազգեն Թևանյանը, ծանրորդներ Անդրանիկ Կարապետյանը, Գարիկ Կարապետյանը և Վարազդատ Լալայանը, բռնցքամարտիկ Դավիթ Չալոյանը, լողորդներ Վարսենիկ Մանուչարյանն ու Արթուր Բարսեղյանը, վազորդ Երվանդ Մկրտչյանը:
ՕԽ պաշտոնական փակումը տեղի կունենա օգոստոսի 11–ին։