ԵՐԵՎԱՆ, 26 հուլիսի – Sputnik. Անցած գիշեր ռուսական հակաօդային պաշտպանությունը որսացել և ոչնչացրել է ուկրաինական 4 անօդաչու թռչող սարք Ռոստովի շրջանի և երկուսը Կուրսկի շրջանում։ Այս մասին հայտնում է ՌԴ պաշտպանության նախարարությունը։
«Անցած գիշեր, երբ Կիևի ռեժիմը անօդաչու թռչող սարքերի միջոցով փորձեց ահաբեկչություն իրականացնել Ռուսաստանի Դաշնության տարածքի թիրախների վրա, հերթապահ հակաօդային պաշտպանության համակարգերը որսացել և ոչնչացրել են չորս անօդաչու թռչող սարքեր Ռոստովի մարզում և երկուսը Կուրսկի շրջանում»,- ասված է հաղորդագրության մեջ։
Հիշեցնենք, որ ուկրաինական զորքերը տարբեր եղանակներով, այդ թվում՝ անօդաչու թռչող սարքերով, պարբերաբար գնդակոծում են ՌԴ սահմանամերձ շրջանները, մասնավորապես՝ Բելգորոդի, Բրյանսկի, Կուրսկի և Վորոնեժի շրջանները։