Դավիթ Չալոյանն օլիմպիական խաղերի իր առաջին մենամարտում ուժերը կչափի անգլիացու հետ

ԵՐԵՎԱՆ, 26 հուլիսի – Sputnik. Բռնցքամարտիկ Դավիթ Չալոյանը (+92 կգ) Փարիզի օլիմպիական խաղերում իր առաջին մենամարտը կանցկացնի անգլիացի Օրիե Դելիկուսի հետ: Այս մասին հայտնում է Հայաստանի բռնցքամարտի ֆեդերացիայի մամուլի ծառայությունը:

Նշվում է, որ մենամարտը կկայանա հուլիսի 29-ին` ժամը 23:50-ին:

Հիշեցնենք, որ այսօր Ֆրանսիայի մայրաքաղաքում կմեկնարկեն ամառային օլիմպիական խաղերը: Հայաստանի հավաքականը կներկայանա 15 մարզիկով ( 7 մարզաձև):