ՀՀ նախագահ Վահագն Խաչատուրյանն ու վարչապետի աշխատակազմի ղեկավար Արայիկ Հարությունյանը Փարիզում ներկա են գտնվել Հայկական տան բացմանը և հանդիպել Հայաստանի օլիմպիական հավաքականի անդամների հետ, հայտնում են կառավարության լրատվական ծառայությունից:
Հայկական տունը կգործի հուլիսի 25-ից մինչև օգոստոսի 11-ը, այն կլինի հայկական երկրպագուների կենտրոնը 2024 թվականի Օլիմպիական խաղերի ժամանակ:
Հայկական տունը կբացվի ամեն օր՝ ժամը 15:00-ից 23:00-ը: Այդ ժամերին այցելուները կարող են վայելել օլիմպիական մրցաշարերի համատեղ դիտումները, հանդիպել հայտնի մարզիկների հետ և ձեռք բերել ատրիբուտիկա՝ աջակցելու հայկական մարզիկներին մարզադաշտերում:
Հիշեցնենք՝ Փարիզի ամառային օլիմպիական խաղերի հանդիսավոր բացումը տեղի կունենա վաղը՝ հուլիսի 26-ին։ Հայաստանը ներկայացված է 15 մարզիկներով։