ԵՐԵՎԱՆ, 20 հուլիսի - Sputnik. 2023 թվականի սեպտեմբերիդրությամբ ԱՄՆ միջուկային զինանոցում առկա էին 3748 միջուկային մարտագլխիկներ՝ նախատեսված ռազմավարական ուժերի համալրման համար: Այս մասին իր զեկույցում հայտնում է միջուկային անվտանգության ազգային վարչությունը (NNSA)։
Գերատեսչությունը պարզաբանում է, որ դա 88 տոկոսով ավելի քիչ է, քան 1967 թվականի վերջին, երբ Նահանգներն ունեին առավելագույն թվով միջուկային զենք՝ 31 255 միավոր։
Նշենք, որ վերջին անգամ ԱՄՆ-ն նման զեկույց էր հրապարակել 2021-ի հոկտեմբերին (տվյալ պահին միջուկային մարտագլխիկների թիվը 3 750 էր), որից հետո զինանոցի քանակական կազմի մասին տեղեկություններ չէին բացահայտվել։
Տվյալների համաձայն ՝ 1994 ֆինանսական տարվանից մինչև 2023 թվականը ԱՄՆ-ն իբր ոչնչացրելէ ավելի քան 12 հազար միջուկային մարտագլխիկ, ևս 2 հազարը հանվել են սպառազինությունից և սպասում են ոչնչացման:
Մարտին NNSA-ի ղեկավարի տեղակալ Ֆրենկ Ռոուզը հայտարարել է, որ միջուկային զինանոցի ավելացման մասին որոշում ԱՄՆ-ն չի կայացրել, սակայն լրջորեն ուսումնասիրում է այդ հարցը: Ընդ որում, նա նշել է, որ Նահանգներումանհրաժեշտ են համարում սպառազինությունների վերահսկման հարցերով ՌԴ-ի հետ շփումները՝ ռիսկերը նվազեցնելու համար:
Ավելի վաղ, ինչպես հետևում էր երկրի բյուջեի ներկայացված նախագծից, նախագահ Ջո Բայդենը2025 ֆինանսական տարվա համար Կոնգրեսից խնդրել է մոտ 20 մլրդ դոլար՝ միջուկային սպառազինության արդիականացման նպատակով:
Փաստաթղթում նշվում է նաև, որ ԱՄՆ պաշտպանության և էներգետիկայի նախարարությունները շարունակում են արդիականացնել միջուկային եռյակը, հրամանատարական, վերահսկողական և կապի բաղադրիչները, ինչպես նաև միջուկային սպառազինության ենթակառուցվածքը: