ԵՐԵՎԱՆ, 17 հուլիսի – Sputnik. Ուկրաինայի ճգնաժամի լուծման համար պետք է հաշվի առնել տեղում առկա իրողությունները, բայցպետք է նաև, որ Արևմուտքը դադարեցնի Կիևին զենքի մատակարարումը, և այդ ժամանակ հակամարտությունը կավարտվի։ Այս մասին հայտարարել է ՌԴ ԱԳ նախարար Սերգեյ Լավրովը ՄԱԿ-ի Անվտանգության խորհրդի նիստի համար ԱՄՆ կատարած այցի արդյունքներով մամուլի ասուլիսի ժամանակ։
«Պարզապես պետք է դադարեցնել Ուկրաինային զինելը, և պատերազմը կդադարի։ Եվ մենք կփնտրենք լուծում, որը հաշվի կառնի ոչ միայն իրողությունները տեղում, այլև հասարակական կյանքում», - ասել է Լավրովը։
ՌԴ ԱԳՆ ղեկավարի խոսքով՝ Արևմուտքն Ուկրաինայի վերաբերյալ իր նախաձեռնություններում չի խոսում հակամարտության բուն պատճառների մասին։
Բացի այդ, Լավրովն ընդգծել է, որ մի շարք երկրներ, այդ թվում՝ Չինաստանն ու Բրազիլիան, հանդես են գալիս խաղաղ համաժողովի անցկացման օգտին, որը հաշվի կառնի այն սկզբունքները, որոնք ընդունելի կլինեն բոլոր կողմերի համար։
ՌԴ ԱԳՆ ղեկավարը նաև հիշեցրել է, որ Ուկրաինայում հակամարտությունը շատ արմատական պատճառներ ունի, այդ թվում՝ պետական հեղաշրջում, ռուսաց լեզվի արգելք և մինսկյան պայմանավորվածությունների չկատարում։