Երևանի ավտոտեխսպասարկման կետերից մեկում տղամարդու դիակ է հայտնաբերվել

ԵՐԵՎԱՆ, 17 հուլիսի – Sputnik. Երևանի Մալաթիա–Սեբաստիա վարչական շրջանում գործող «Ոսկե անիվ» ավտոտեխսպասարկման կետում տղամարդու դի է հայտնաբերվել։ Տեղեկությունը հայտնում է shamshyan.com–ը։

Ոստիկանությունը ժամը 10։00-ի սահմաններում ահազանգ է ստացել, որ շտապօգնության բժիշկների խումբը կանչով մեկնել է Բաբաջանյան փողոցում գործող տեխսպասարկման կետ և տղամարդու կախված մարմին հայտնաբերել։

Փրկարարները դին իջեցրել են մոտ 3 մետր բարձրությունից։

Դեպքի փաստով նախաձեռնվել է քրեական վարույթ։Նշանակվել է դիակի դատաբժշկական փորձաքննություն։

Ոստիկաններն ու քննիչները պարզել են, որ մահացածը Երևանի բնակիչ 47-ամյա Տիգրան Մ․-ն էր։