ԵՐԵՎԱՆ, 10 հուլիսի – Sputnik. Հայաստանի Հանրապետությունն ու Ավստրիան քննարկում են պաշտպանության բնագավառում համագործակցելու հեռանկարները։ Տեղեկությունը հայտնում է ՀՀ պաշտպանության նախարարությունը։
Ըստ հաղորդագրության` ՊՆ ղեկավար Սուրեն Պապիկյանն այսօր այդ հարցը քննարկել է Ավստրիայի պաշտպանության դաշնային նախարարի գլխավոր քարտուղար, նախարարության պաշտպանական քաղաքականության տնօրեն դոկտոր Առնոլդ Կամմելի հետ։
Պապիկյանը ներկայացրել է Հայաստանում իրականացվող պաշտպանական բարեփոխումների ընթացքը և այդ համատեքստում՝ միջազգային համագործակցության շրջանակը: Քննարկվել են նաև տարածաշրջանային անվտանգությանն առնչվող հարցեր: