Կառավարությունը 2.5 միլիարդ դրամ է հատկացրել Երևանի քաղաքապետարանին՝ 27 փողոց ասֆալտապատելու համար: Առնվազն տարօրինակ է, որ Երևան քաղաքը, որի ավագանու որոշմամբ միայն կարմիր գծերի համար վճարն այս տարի թանկացավ մոտ 13 անգամ, էլ չեմ խոսում գույքահարկերի, շինթույլտվությունների տուրքերի թանկացման մասին, փող չունի, որ փողոց ասֆալտապատի։ Երևանը Հայաստանի ամենահարուստ համայնքն է, ամենամեծ բյուջեով ու մինչև այսօր դժվարանում եմ հիշել դեպք, որ ընթացիկ ասֆալտապատման համար պետբյուջեն գումար հատկացնի։
Հանրային գործիչ Էդուարդ Հայրումյանը, որը մշտական ուշադրության կենտրոնում է պահում մայրաքաղաքի ասֆալտապատման խնդիրը, նկատել է, որ վերջին 2 տարում քաղաքում ճաքալցման աշխատանքներ չեն իրականացվել։ Հենց այդ պատճառով էլ փոսերը մեծացել են ու շատացել։