ԵՐԵՎԱՆ, 6 հուլիսի - Sputnik. Չինաստանը վերջին 8 ամիսների ընթացքում իրանական նավթի գնումները հասցրել է առավելագույնին, հաղորդում է Tehran Times-ը:
Ինչպես հաղորդում է Bloomberg-ը, ԱՄՆ Կոնգրեսի Ներկայացուցիչների պալատը պատրաստել է ավելի խիստ պատժամիջոցներ Իրանի դեմ այն բանից հետո, երբ վերջինս պատասխան հարվածներ է հասցրել Իսրայելին: Նախագահ Բայդենի ստորագրման դեպքում նոր սահմանափակումներըկարող են ուժի մեջ մտնել հաջորդ շաբաթ։
Թեև Չինաստանը փորձումէ խուսափել ԱՄՆ պատժամիջոցներից, բայց նավթավերամշակող փոքր գործարանները (այսպես կոչված teapot refiners կամ «թեյնիկային» գործարանները) պատրաստ են ռիսկի դիմել՝ ավելի ձեռնտու գնով գնելով պատժամիջոցներով արգելված նավթը։Ամենայն հավանականությամբ, այժմ դրա մատակարարները քողարկելու են իրանական նավթը՝ այն տեղափոխելով մի տանկերից մյուսը՝ Էմիրություններում, Մալայզիայում կամ Սինգապուրում, նշում է պարբերականը։
Չինաստանը պաշտոնապես դադարեցրել է իրանական նավթի գնումը 2022 թվականին, սակայն արևմտյան աղբյուրների գնահատականներով` իրանական նավթի և գազային կոնդենսատի մատակարարումների ներկայիս գնվող ծավալը կարող է հասնել օրական 1,5 մլն բարելի: Ամերիկյան պատժամիջոցները շրջանցելու համար «թեյնիկային» գործարանները վճարում են ոչ թե դոլարով, այլ յուանով, այն էլ ոչ թե միջազգային, այլ չինական վճարահաշվարկային համակարգերի միջոցով (օրինակ՝ CIPS-ով)։
ԱՄՆ-ն կարող է հայտնաբերել նման մատակարարումները հենց արբանյակներով․ հարցն այն է, թե արդյոք նրանք նման խիստ վերահսկողություն կիրականացնեն, նշում է Bloomberg-ը: