ԵՐԵՎԱՆ, 4 հուլիսի – Sputnik. Հայաստանը Ռուսաստանում նոր դեսպանի թեկնածու ունի, որը շուտով կնշանակվի։ Այս մասին մասին հայտարարեց ՀՀ ԱԺ նախագահ Ալեն Սիմոնյանը` ԱՄՆ սենատոր Ռոջեր Ուիքերի հետ համատեղ ասուլիսում։ Լրագրողներից մեկը հարց ուղղեց Սիմոնյանին, թե արդյոք հնարավոր է` Վաղարշակ Հարությունյանը հետ կանչվի ՌԴ–ից իր վերջին հայտարարությունների համար, և արդյոք Հարությունյանի այդ հայտարարությունները համաձայնեցվում են ՀՀ ԱԳՆ–ի հետ։
Նշենք, որ ՀՀ–ում ՌԴ դեսպան Վաղարշակ Հարությունյանի` Ուկրաինայի զինված ուժերի հարվածներից տուժած ռուսական մի շարք շրջաններ էր այցելել, նաև հայտարարել, որ երկու երկրների հարաբերությունները չեն սահմանափակվում առանձին անհատների հայտարարություններով։
«Մենք շուտով ունենալու ենք Ռուսաստանում նոր դեսպան։ Թեկնածությունը ներկայացված է արդեն, սպասում ենք նշանակմանը»,–ասաց Սիմոնյանը։
Նշենք, որ դեռ նախորդ տարի «Հրապարակ» օրաթերթը գրել էր, որ Հայաստանը ՌԴ–ում նոր դեսպանի մի քանի թեկնածուների հարց է քննարկում, և հայկական կողմը կարծես թե կանգնել է ԱԺ պատգամավոր Գուրգեն Արսենյանի վրա:
Հիշեցնենք` ՀՀ պաշտպանության նախկին նախարար Վաղարշակ Հարությունյանը ՌԴ-ում ՀՀ արտակարգ և լիազոր դեսպան է նշանակվել 2022 թվականի հունվարի 5-ին։