ԵՐԵՎԱՆ, 2 հուլիսի – Sputnik. ԱՄՆ-ը պատրաստ չէ խոսել Ուկրաինայի մի մասի վրա հնարավոր ոչ թռիչքային գոտու ստեղծման մասին, հայտարարել է Պետդեպարտամենտի խոսնակի տեղակալ Վեդանտ Պատելը։ Նրա խոսքերը մեջբերում է ՌԻԱ Նովոստին։
«Այժմ այս մասին ասելու ոչինչ չկա», - ասաց նա լրագրողներին՝ մեկնաբանելով Ուկրաինայի՝ իր տարածքի մի մասի վրա ոչ թռիչքային գոտի ստեղծելու կոչերը։
Ավելի վաղ AFP գործակալությունը, հղում անելով ուկրաինացի պաշտոնյաներին, հայտնել էր, որ Կիևը դրդում է իր դաշնակիցներին Ուկրաինայի արևմուտքում ոչ թռիչքային գոտի ստեղծել՝ Լեհաստանում և Ռումինիայում հակաօդային պաշտպանության համակարգեր տեղակայելով։
Ուկրաինայի անվտանգության բարձրաստիճան պաշտոնյան գործակալությանը հայտնել է, որ Կիևը շարունակում է բանակցությունները արևմտյան դաշնակիցների հետ, սակայն դա հեշտ որոշում չէ։
Ուկրաինայի փոխվարչապետ Օլգա Ստեֆանիշինան ասել է, որ այդ թեման կարող է արծարծվել Վաշինգտոնում ՆԱՏՕ-ի գագաթնաժողովում։