ԵՐԵՎԱՆ, 27 հունիսի – Sputnik. ՀՀ կառավարությունը 2 մլրդ 314 մլն դրամի չափով ֆինանսական հատկացում է արել կառուցված ու կառուցվող շինարարությամբ 93 մանկապարտեզներին գույքով ապահովելու համար։ Այդ մասին նիստի ժամանակ հայտարարեց ՀՀ ԿԳՄՍ նախարար Ժաննա Անդրեասյանը։
Նախարարի խոսքով` այդ հատկացումները կատարվում են 500 մանկապարտեզների կառուցման և հիմնանորագման ծրագրի շրջանակներում։
«2023 թ. ավարտի դրությամբ 144 նախադպրոցական հաստատություններում աշխատանքներն ավարտված են և ներկայում այդ թիվը հասել է 159–ի»,– ասաց նա։
Անդրեասյանը տեղեկացրեց նաև, որ 93 մանկապարտեզներից սուբվենցիոն ծրագրերով կառուցվել և վերակառուցվել է 74 մանկապարտեզ։
ՀՀ վարչապետ Նիկոլ Փաշինյանը նշեց, որ 500 մանկապարտեզի ծրագիրն այսօր ավելի պակաս խնդիրներով է առաջ ընթանում, քան 300 դպրոցի ծրագիրը։
Այնուհետև նա սկսեց թվարկել բոլոր այդ 93 մանկապարտեզի անվանումները և ասաց, թե ուր կայցելի՝ ստուգելու իրականացված աշխատանքները. «Կակաչ», «Ծիծեռնակ», «Զանգակ»։