Պայմանագրային աշխատողը էլեկտրական շաղափիչի մեջ փորձել է թմրամիջոց տանել «Արմավիր» ՔԿՀ

ԵՐԵՎԱՆ, 27 հունիսի – Sputnik. «Արմավիր» քրեակատարողական հիմնարկի պայմանագրային աշխատող Ա․Հ․-ն փորձել է էլեկտրական շաղափիչի մեջ թմրամիջոց տանել ներս։ Տեղեկությունը հայտնում է ՀՀ ԱՆ քրեակատարողական ծառայության մամուլի ծառայությունը։

Նշվում է, որ այսօր առավոտյան Ա․Հ–ի մոտ առկա էլեկտրական շաղափիչը զննության է ենթարկվել, որի միջից հայտնաբերել են մեթամֆետամին տեսակի թմրամիջոցի նմանվող սպիտակ, բյուրեղանման 2 փաթեթ՝ ընդհանուր 3,15 գրամ քաշով։

Ա․Հ․–ն ձերբակալվել է օպերատիվ ծառայողների կողմից և հայտնաբերված զանգվածների հետ միասին ներկայացվել ՀՀ ՔԿ Արմավիրի մարզային քննչական վարչության Վաղարշապատի քննչական բաժին։